Qo'lingizdagi hikoyalar hayotning turli jabhalaridan so'z yuritsa-da, ulardagi umumiylik yagona: insoniylik, halollik, poklikning tarannum etilishi, har qanday chigal vaziyatlarda ham adolatning tantana qilishi. Mahoratli adib O'lmas Umarbekovning asarlari hamon kitobxonlar ko'ngliga yaqinligi bilan sevib mutolaa etilib kelinmoqda. Bunday salmoqli asarlar asrlar osha zanglamay saqlanuvchi oltinga qiyoslanishi ham bejiz emas. Didli kitobxonlarimizga adibning nomi juda yaxshi tanish. Adabiyot bo'stoniga endi qadam qo'yayotganlar ham, albatta, O'lmas Umarbekov ijodi borasida iliq fikrlarni eshitgach, uning asarlariga murojaat etishadi. Shunday ekan, adib haqida ortiqcha so'z yuritishga hojat bo'lmasa kerak. Shunchaki, kitobni mutolaa eting va yuqoridagi fikrlar rost ekaniga o'zingiz ham amin bo'ling!