Xulio Kortasar - «yangi Lotin Amerikasi romani»ning asoschilaridan biri. O'z davrining ijtimoiy, psixologik, axloqiy muammolari, olamga, odamga va hokimiyatga munosabat, mustaqillik va erk, xudbinlik va burch, mehr va muhabbat haqida yozadi, lekin aksariyat hollarda bularni sof majoziy shakllarda taqdim etadi. Yozuvchi so'z va obrazlar bilan o'ynaydi, parodiya, mubolag'a, paradoksdan ustalik bilan foydalanadi. Uning asarlari g'ayrioddiy bayon uslubi, bir qancha uslublar omixtalashishi, murakkab ishoralar, ko'p qatlamli ramziylik, eksperimental va o'ynoqi ruhi bilan ajralib turadi. Ushbu kitob muallifning sara hikoyalaridan jamlandi.