Har qanday to‘siqlarga qaramay ilgarilay olish, muammolardan yo‘qotishlar bilan emas, kuch-quvvatga to‘lib mag‘rur chiqishni uddalash jasoratmi yoki zaruriy xususiyatmi? Qo‘yingki, biz shunday bo‘la olamizmi? Olamshumul natijalarga erishgan kuchli insonlar haqida eshitganmiz, ularning hayoti haqida hayajonga, hayratga to‘lib o‘qiganmiz. Va ulardagi bir xususiyatga qoyil qolmay iloj yo‘q. Ya’ni bunday insonlar qo‘lga kiritgan yutuqlaridan mag‘rurlanib ketishmagan, boshiga tushgan ne-ne mashaqgatlarga aza ochib bo‘yin egishmagan. Bu, albatta, kuchli iroda sohiblarining xos fazilati, hissiy intellektning eng yuksak namunasidir. Dunyo ne’matlari bisyor. Ammo bugun kamchiligi yo‘q insonlar ham ilgarigi odamlardek baxt hissini tuymay qo‘ydi. Qo‘lingizdagi mazkur qo‘llanmada kishilardagi his-tuyg‘ularni tarbiyalashga e’tiborsizlik qanday salbiy oqibatlarga olib kelishi tahlil qilinadi. Muallif hissiy intellektni qayta tiklangan an’analar va tark etilgan qadriyatlar bilan uyg‘unlashtirgan holda doimiyligini ta’minlashga e’tibor qaratadi.