Meni tiklab, o‘zi bukchayib borayotgan, xato qilsam, kulmaydigan, kulib yursam, yig'lamaydigan, ishliyu ishsizligimdan, sog'u nosog'ligimdan, yo‘lgir yo noshudligimdan qatʼi nazar, mehriga minnat aralashmaydigan, hali yashashni yolchitmagan esam-da, «Nima qilay?» deb fikrimni guborsiz so‘raydigan va aytgan «yo‘l-yo‘riqlarim tiyinga arzimasa ham hukumat qaroriday qabul qiladigan, tilim, qo‘lim, tanish-bilishlarimning sanogi, diplomu darajalarim ro‘yxati... emas, umrim uzun bo‘lishini tilaydigan hamda shu-unchaligiga qaramay, mendan odamday bir muomala ko‘rmay o‘tayotgan yagona ayolga - ayam Anora NEʼMAT qiziga atadim.