Asarlari bir necha xorijiy tillarga tarjima qilingan taniqli yozuvchi Adem Sarach ushbu kitobida sog‘lom iymon-eʼtiqod, chinakam sevgi, g‘ayrat-shijoat insonni ikki dunyo saodatiga olib boruvchi yo‘l ekanini zo‘r badiiy mahorat bilan tasvirlab beradi. Roman bugunning yoshlariga tarixdan saboq berar ekan, ota-bobolarimiz tuygan g‘urur, iftixor bizning qonimizda ham hamisha jo‘sh urib oqib turishini qayta eslatadi. Axloq va odob meʼyorlari hech qachon eskirmasligini yoshlarga uqtiradi. Yoshlarni ilm olishga, kattalarni hurmat qilishga va eʼtiqodni asrab-avaylashga, bu dunyoga kelib-ketishning mazmun-mohiyati haqida tafakkur qilishga chaqiradi. Mazkur kitob xonadoningizni muhabbat, maʼrifat nurlari bilan yana-da nurafshon qilishidan umidvormiz.