Yozish - jonu dilim, ammo har bir yozilgan kichik yoki katta asar o‘quvchi uchun foydali bo‘lishi kerak, deb hisoblayman. Ayniqsa, hozirgi texnika - texnologiya hayotimizni qamrab olgan paytda... Men ham o‘z tajribalarim, o‘qigan, ko‘rgan va kechirganlarimdan bir parcha sifatida hikoyalardan iborat kitobimni taqdim etmoqchiman. Hayotimiz aldov va makrlardan iborat, deyish fikridan yiroqman. Ammo har bir vaziyatda inson o‘zining topqirligi va ziyrakligini ishga solsa, hech kimning dili ham og‘rimaydi, sizning izzat-nafsingiz xam poymol bo‘lmaydi, degan g‘oyani ilgari surmoqchiman. Oila - doktorlik dissertatsiyasi yoziladigan ilmiy yangiliklardan iborat institutga o‘xshaydi. Ammo biz bu institutda bir umr o‘qiymiz. Bunda diplom, yaʼni natijadan ham ko‘ra, o‘qilish jarayoni muhimdir.