Bilamizki, bolalar sarguzashtlarga o'ch bo'lishadi. Yil- o'n ikki oy ular erta tongdan to yarim tungacha qizg'in harakatda bo'lishadi. Qani qanot chiqarsa-yu, koinot bag'riga singib ketsa. Ulardagi ana shu xohish-istaklarni bajo keltirish barcha janrlar ichida faqat ertaklarning qo'lidan keladi. Chunki ertaklar, sarguzashtlar janri, unda voqeyalar tez rivojlanadi. Yaxshilik va yomonlik, ezgulik va yovuzlik o'rtasidagi jang shiddatli tus oladi. Rostgo'ylik, halollik, bahodirlik, xalq va eliga mehribonlik bola qalbiga oshno bo'lib, ertakdan ertakka uning yashash tamoyillariga aylanib boraveradi. Unda yaxshi niyat paydo bo'ladi. "O'zbekiston milliy ensiklopediyasi"Davlat ilmiy nashriyoti "Yaxshi niyat" deb nomlangan kitobni nashrdan chiqarar ekan, ana shu yaxshi niyatni dunyoga keltirish payida bo'ldi.