Ushbu kitobda aka-uka Grimmlarning sara ertaklari jamlangan. Aka-uka ertakchilar olmon xalqining necha yuz yillik ertaklarini to'plab, dastlab 1812-yilda chop ettirishgan. Bugungi kunga qadar mazkur ertaklar 190 ga yaqin tillarga tarjima qilingan. Ularda olmon xalqining orzu-umidlari, maqsadlariga yetishish yo'lida uchraydigan mashaqqatlar va ularni yengish yo'llari, adolat uchun kurash, do'stlik, Vatanga muhabbat kabi mavzular turli obrazlarda ifoda etilgan. Sarguzashtlarga boy va quvnoq ertaklarni o'zida jamlagan mazkur mo'jaz xazina aka-uka Grimmlarning «Mittivoylar sovg'asi», «Yalqov to'quvchi», «Bo'ron kampir» nomli kitoblarining mantiqiy davomi hisoblanadi.