Yosh o'quvchi, qo'lingizdagi ushbu kitob Sizga sir-sinoatlarga to'la koinot haqidagi dastlabki bilimlarni beradi. Siz kitobda bizga eng yaqin bo'lgan yulduz Quyosh, sayyoralar, Galaktika, Qora tuynuk, ilk astronomik kuzatishlar, ajdodlarimizning samo hamda olam haqidagi qarashlari, astronomiya ilmining taraqqiyoti haqida bilib olishingiz mumkin. Samo - cheksizlikdir. Cheksizlik bag'rida har lahzada millionlab hodisalar yuz beradi. Ularning ba'zilariga guvoh bo'lamiz, o'rganamiz. Shu tarzda koinotga xayolan sayohat qilamiz. Ushbu kitob ana shunday bo'lajak fazogirlar uchun eng yaxshi sovg'a bo'lishiga ishonamiz.