Ushbu to‘plamga zamonaviy o‘zbek nasriga yangicha yondashuv, yangicha qarash olib kirgan taniqli adib Nazar Eshonqulning jahon adabiyoti an’analari, dunyo nasridagi turli «izm»lar o‘ziga xos sintez qilingan, nashr etilishi bilan adabiy jarayonda o‘ziga xos voqea sifatida baholangan sara hikoyalari tanlab olindi. Bu hikoyalar janrga o‘ta talabchan, so‘z san’atiga nafaqat badiiy- poetik, balki tafakkur mahsuli sifatida qaraydigan eng nozikta’b o‘quvchilar ehtiyojini qondira oladi deb o‘ylaymiz.