"Jadidlar" — jadidlar haqidagi sakkiz jildli kitoblar to‘plami. Sakkiz nafar jadidchi hayoti va ijodiga bag‘ishlangan risolalarni turli muallif yozgan: Olim Usmonov Gʻulom Zafariy, Dilmurod Quronov Abdulhamid Cho‘lpon, Ulug‘bek Dolimov Is’hoqxon To‘ra Ibrat, Hamidulla Boltaboyev Abdurauf Fitrat, Bahodir Karimov Abdulla Qodiriy, Oltinbek Olim Abdulla Avloniy, Sotimjon Xolboyev Munavvarqori qori Abdurashidxonov, Zaynobidin Abdirashidov Mahmudxo‘ja Behbudiy haqidagi jildni yozgan. To‘plam Yoshlar nashriyot uyida yumshoq muqovada, lotin yozuvida cho‘ntak kitobi shaklida nashr qilingan. Umuman, biz jadidchilik harakati, ma’rifatparvar bobolarimiz me’rosini chuqur o‘rganishimiz kerak. Bu ma’naviy xazinani qancha ko‘p o‘rgansak, bugungi kunda ham bizni tashvishga solayotgan juda ko‘p savollarga to‘g‘ri javob topamiz. Bu bebaho boylikni qancha faol targ‘ib etsak, xalqimiz, ayniqsa, yoshlarimiz bugungi tinch va erkin hayotning qadrini anglab yetadi. Shavkat Mirziyoyev O‘zbekiston respublikasi prezidenti.