Qo‘lingizdagi ushbu kitobga insoniyat sivilizatsiyasining eng qadimgi davlatlarida miloddan avvalgi davrlarda yashagan xalqlar va mutafakkirlarning hikmatli so‘zlari jamlangan. To‘plangan bu hikmatlar bundan 2000 yildan 5000 yilgacha burun aytib ketilgan bo‘lsa-da, ular bugungi kungacha o'z ahamiyati hamda mohiyatini yo‘qotgan emas va bu hikmatli so‘zlar hayot chorrahalarida turgan ko‘plab kishilarga to‘g‘ri yo‘lni ko‘rsata oladi deb o‘ylaymiz. XIX asrda yashagan atoqli ingliz yozuvchisi Samuel Smayls aytganiday: "Ikki ming yil burun yozilgan kitob ham kishi hayotini o‘zgartirishga qodir". Keng kitobxonlar ommasiga mo‘ljallab chiqarilgan ushbu to‘plam sizga ma’qul bo‘ladi, deb umid qilamiz.