Aziz o'quvchi! Qo'lingizdagi ushbu kitobning asosiy qahramonlaridan biri Karlson juda zamonaviy odam. U doimo ko'zimizga issiq ko'rinadi, tanishdek tuyuladi- kimgadir o'xshab ketadi. Ehtimol, vertolyot o'ynayotgan Mittivoyga o'xshasa kerak? Faqat Mittivoy o'ynaydi-yu, Karlson esa chinakamiga uchadi. Balki buraladigan o'yinchoqqa-uchadigan semiz odamchaga o'xshar? Faqat jonlisiga o'xshaydi. Asar qahramoni bilan bogʻliq voqea-hodisalarning hammasini qayerdadir ko'rganmiz, bir vaqtlar eshitganmiz, bularning barchasi boʻlib oʻtgan gap. Bu ishlarni kim qilgan? O'zingiz, do'stlaringiz, do'stlaringizning do'stlari-yoshi to'rtdan oshgan, lekin o'n to'rtdan kichik hamma bolalarning ishi.