Rus shoiri Aleksandr Sergeyevich Pushkin ertaklarini butun dunyo bolalari sevib o'qiydi. Shoir mehr-muhabbat, saxovat, mehnatsevarlik, rostgo'ylik kabi oliyjanob fazilatlar insonni qanchalar ulug'lashini o'z asarlarida badiiy ifoda etgan. Asarlar badiyati tarjimada ham ajoyib tarzda saqlangan. Negaki xassos shoir Mirtemir o'zbek o'quvchilariga, ayniqsa, kichik yoshdagi kitobxonlarga ma'qul bo'lishi uchun tildagi bor imkoniyatlardan foydalangan holda Pushkin ertaklariga qayta jon bag'ishladi: quyma misralar, g'aroyib o'xshatishlar, xalq tilidagi mashhur ifodalar har qanday o'quvchining zavqini keltiradi.