Taniqli shifokor, shoir va adib, tibbiyot fanlari doktori, professor Jumanazar Beknazarning ushbu ma’rifiy romani qomusiy ilmlar sohibi, buyuk alloma Ibn Sino hayoti va tabobat sohasida amalga oshirgan benazir kashfiyotlarining ilmiy-badiiy talqiniga bag'ishlangan. Asarda ulug‘ mutafakkir obrazi umrining har lahzasida odamlar dardiga malham bo‘lishni burch deb bilgan chin insonparvar, bu yo'lda muttasil izlanishdan charchamagan komil hakim, hayotini shaxs kamoloti va jamiyat ravnaqi yo‘liga tikkan ulug‘ mutafakkir sifatida namoyon bo'ladi. Asar keng kitobxonlar ommasiga mo‘ljallangan.