Turkman adabiyotining mumtoz shoiri Maxtumquli she'riyatining mag'zi butunligi, hikmat va o'gitlarga boyligi, turfa obrazlar mavjudligi bilan asrlar oshа yashab kelmoqda. Inson axloqi, ichki olami haqidagi shoirning fikr-mulohazalari, tanqidiy qarashlari barchа davrlar uchun o'z ahamiyatini yo'qotmagan. Uning misralari go'yo bugungi kunimiz uchun ham aytilgandek taassurot qoldiradi:  Nomard qayga borsa, xizmat bitirmas, Mard yigitlar bahosini yitirmas, Nodonga sir aytsang, ichida turmas Sirdosh boʻlma, yiroq ayla o'zingni  Shoir she'riyatining bosh g'oyasi ezgulik, o'z xalqiga sadoqat, vafo, yaxshilik bilan nom qoldirish, saxovat kabilarga chaqirishdir.